Chrissie迷運動男 水中作樂

Chrissie表示父母開到口叫她帶男友回家吃飯。

周秀娜、雷頌德與柳俊江夫婦昨日到荃灣出席「now TV滿FUN家庭快樂+++」，適逢端午節，Chrissie與雷頌德在活動上製作應節糉子，又預告如何慶祝父親節，穿上短裙晒靚腿的Chrissie，表示已預備好父親節禮物，她說：「就係預備咗我自己喇！今晚（即昨晚）會返屋企食飯，慶祝端午節加父親節。（禮物折現？）我平時都有買禮物，今晚仲整咗個sweet sweet蛋糕。（家人有冇叫你帶男仔返去食飯？）有講過，佢哋都想我sweet sweet，尤其我阿媽，佢想我學煮嘢食，（綁住男人？）女仔要學煮嘢食，何況我阿媽廚藝好叻！想我學。」

Chrissie更開到口恨拍拖，她說：「呢輪忙搞劇本，之後都係拍戲為主。（藉工作識男仔？）嗰啲都係女仔戲，但我會參加戀愛真人騷綜藝節目，呢輪忙睇電視，鎖定鍾意嘅男仔類型，等工作人員有個範圍幫我揀，我鍾意運動型男仔。（才俊呢？）相處最重要有共同興趣，夏天我鍾意游水，運動型男仔可以陪我做運動。」

Chrissie與雷頌德齊撐now TV活動。

柳俊江與太太恩愛拖手出席。

雷頌德等大仔禮物

至於Mark則表示：「父親節會留喺屋企，老婆煮嘢食。兩個仔會做啲小手工，細仔送咗畀我，大嗰個話聽朝先，我話：『聽朝？你整得切呀？』，佢話得，佢不嬲都懶懶閒。（你重視父親節？）我覺得母親節重要啲，媽咪辛苦啲，我細個同父親關係都唔係咁親密，但由細到大母親都好重要！（暑假帶仔去旅行？）好耐冇去韓國，咁啱整單咁嘢（新沙士），遲啲先！暫時未定去邊。」

文：影視組