曾江坐輪椅 謝賢邊推邊揼
謝賢、曾江、胡楓及Joe Junior完成為無綫節目《四個小生去旅行》遠赴俄羅斯拍攝外景後昨日返港。胡楓笑謂此行最歎是曾江，好像是無綫請他去歎世界。問到謝賢此行與曾江可有火花？他笑說：「我推咗（指輪椅）曾江幾日喇，仲打咗佢幾搥。」曾江笑說：「我實會報仇o架。」當問到謝賢可有在節目中爆粗？他即扯火說：「問埋呢啲嘢，你都short short哋嘅。（太空人體驗刺激嗎？）好小兒科啫。（有冇遇到美女？）一定要問呢啲？問第二啲！」
一直患有痛風的曾江為怕食藥後疲倦堅持不吃藥，但在俄羅斯時痛風發作，腳痛得要坐輪椅，他笑說：「有人推點解要行呀。」曾江又大讚旅程食住也非常好，唯一要挑剔是竟然去俄羅斯沒有機會喝羅宋湯。
《大時代》結局無刪減
另外，無綫神劇《大時代》上周五大結局錄得最高8.1收視，約有52萬觀眾捧場。講到重播的結局被指有刪減，無綫企業傳訊部副總監曾醒明強調結局未作修剪，與首播時一樣，只是該劇於1992年首播第一集，跳樓戲份引起震撼回響，故無綫逼於修飾尾段內容以迎合當時的社會氣氛及電檢處（廣管局前身）的要求。至於《武則天》收視保持水準，上星期五更錄得28點收視，約有180萬觀眾收看。此外，無綫亦已製作特輯悼念因病離世的前香港足球先生胡國雄。
文：影視組