張智霖有錢唔賺 陪靚靚遊美

型男Chilam昨晚偕同內地女星李冰冰，以及國際影星Bernard Hill現身金鐘，出席「新鐵達尼號船票全球首發儀式」。Chilam受訪時表示，以往曾被相關電影情節打動，與當時還是女友的袁詠儀拍拖入場睇戲。問到有否試過「You jump, I jump」，他笑說：「以前去韓國就試過笨豬跳，估唔到佢大膽過我！」

公司合併利自己

談到囝囝即將放暑假，Chilam表示已計劃放下工作，舉家到美國旅行：「諗住去兩星期，遲o的會開家庭會議傾想點玩。（搵少好多？）同屋企人一齊係無價o既。」由於早前他曾到美國公幹，但時間所限未能考獲飛機執照，問他今次可會「捲土重來」？他信心滿滿謂：「咁最少要留四星期先得。其實揸飛機唔係咁難，係降落同溝通需要多o的時間o者。」

國際影星Bernard Hill與李冰冰一同出席活動。	李冰冰表示對英文興趣濃厚。	顏子菲一身性感打扮做司儀。

至於Chilam的經理人公司與周秀娜所屬經理人公司合併，有指他覺得「降呢」不滿，他笑說：「我一早知合併，我同蕭定一o既關係透明o既，（合併後）我有更大資源同平台發揮，所以最大得益者可能係我，唔明點解啲周刊成日幫我答問題囉。」

李冰冰英文唔差

至於一身湖水藍晚裝的冰冰明艷照人，但坐下時不慎露底。談到網上傳她以往高考分數偏低，她笑答：「我也不記得英語是27或30分，但他們寫得很低，但我語文其實有92分。（現在英語很棒？）麻麻哋啦，但我很有興趣又不怕醜去學。（交老外男友？）有人追，沒有是白活，但我不接受，大家不了解嘛。（有傳前英國首相貝理雅用公帑去見你？）我跟他不熟，沒有聽說過。」

文：影視組