宣萱亡犬化蛾回魂
藝人宣萱和可嵐等昨日在大棠出席人狗野外定向比賽頒獎禮，宣萱坦言愛犬LiuLiu上周日因肝癌離世，坊間一直傳至親死後會化作蝴蝶或飛蛾回家見家人最後一面，宣萱相信此傳說屬實，更有此經驗：「莫可欣尋晚問我屋企有冇飛蛾，咁啱有隻好細嘅飛蛾喺我面前飛咗5分鐘，然後就伏低。LiuLiu聽開普通話，所以我同隻飛蛾講：『如果是你的話，就跳上我手上吧。』之後佢就慢慢爬到我隻手度。」又指第一隻愛犬離世後不久，家中亦出現飛蛾。
不同意鐵鏈鎖狗
提到好友歐陽震華與無線續約，雖然宣萱離巢多年，但仍為對方高興：「好多時都係大家協調吓，大家開心！」又指歐陽震華是無線福將，若電視裏沒有他會很難習慣。有指歌手林師傑用鐵鏈鎖狗在寓所門口，有虐犬之嫌，宣萱謂若在地下設置的狗屋有水有糧，不是天台養，就不算虐犬，但對於用鐵鏈鎖狗，她謂：「最好就唔好啦！」又指應將心比己。
同場的可嵐亦認為雖然林師傑的本意是阻止狗狗打架，但出動鐵鏈並非上策，建議對方在室內用鐵籠：「佢哋會爭地盤，所以我哋夜晚瞓覺，日頭出街Dandy（其愛犬）都要入籠，咁樣會安全啲。」
文：影視組