李彩華《跑男》瞓身 「撼」贏李晨

近年於內地人氣強勁的李彩華，應邀出席由Angelababy、李晨、王祖藍等主持的人氣綜藝節目《奔跑吧兄弟》大玩遊戲，李彩華拋下玉女形象，全力以赴參與，面對着有「大黑牛」之稱的長勝將軍李晨亦完全不退縮，從未被撕掉名牌的李晨今次亦輸在李彩華手上。

笑蔡少芬狼死

李彩華直言：「我哋真係玩得好癲！我自己成隻腳都瘀晒，到依家都未散，仲要睇醫生。」能夠戰勝李晨，李彩華以為自己所向無敵，怎知蔡少芬愈戰愈勇，她說：「唉！原本以為佢斯斯文文，點知玩起上嚟咁狼死，最終都畀佢撕咗名牌，我後來先醒起，佢老公係張晉，身手梗係有番咁上下啦！」

一眾《跑男》成員與李彩華等有一輪挑戰。 （右一）李晨	李彩華與Angelababy日對夜對成為好友。	李彩華直言今次參與拍攝很開心，故此撞到瘀晒也毫不在乎。

羨慕Baby嫁曉明

雖然最終未能勝出，但李彩華直言今次參與拍攝很開心，一來可以見番香港明星，二來更因為日對夜對與Angelababy成為了好友，她說：「佢結婚我都有恭喜佢呀！（羨慕佢？）梗係啦！黃曉明喎！希望我自己都快啲搵到另一半。」至於節目內仍用李彩華前名李彩樺，她說：「唔緊要，有時佢哋習慣咗，大家認得我咪得囉！」

文：追蹤組