「牛雜妹」Monnie 淥住麵鬥高材生
日前《2015香港小姐競選》舉行首輪面試後，參賽者相繼被神速起底！網民更「開盤」競猜兩大人氣女，高材生麥明詩（Louisa）與真性情「牛雜妹」李美琪（Monnie）誰能順利入圍，引爆全城熱話。就算被網民批評，Monnie昨日如常麵照淥、牛雜照切，她接受本報獨家訪問時坦言恨入圍，唔在意Louisa被睇高一線！
《2015香港小姐競選》首輪面試後，網民熱衷於起底，將十優狀元兼劍橋大學法律系高材生「高挑Charlie」麥明詩（Louisa）、「牛雜妹」李美琪（Monnie）作比較，更「開盤」競猜兩名人氣女子誰能順利入圍！
唔care狀元Louisa
昨日本報記者專程到元朗野生捕獲素顏Monnie，見到記者拍照她亦顯得驚訝，但為免影響店舖生意她繼續專心包雲吞、切牛雜兼淥麵一腳踢！之後記者邀請她做訪問，她乖巧地說：「唔肯定無綫畀唔畀做傳媒專訪。」
經再三邀請，Monnie友善地說：「成為焦點係意外，正如我喺Blog入面講，呢幾年唔知自己想做乜，想有個新嘗試新開始。入行係我由細到大嘅夢想，只係一直未有勇氣。（介唔介意畀人起底？）由我決定參選就有心理準備，知道會有正面負面嘅comments，有人開盤談論我同Louisa亦唔會在意，佢係一位好優秀嘅女仔！」
任職廣告公司文員的Monnie現年22歲，已輟學公開大學，被問到面對高質競爭者有冇信心？她表示：「平常心面對，依家身形亦唔算好，我內心當然想入圍，但信心就一半一半，都有最壞打算繼續過番普通人生活。」
Kianny被爆自視高
而被封「長髮妍希」的美女空姐Kianny，曾與黃又南拍公司宣傳片的她半隻腳已踏入娛樂圈，昨日本報收到讀者爆料，指Kianny人緣麻麻兼自視過高：「兩年前積極自薦幫公司拍片，拍完就當自己係明星。」更指她有變臉的嫌疑。另一焦點索女「弗版楊洛婷」Mandy昨日再在instagram大晒於棕櫚灘滑浪的噴血三點式照！
港姐等你起底
爆料熱線：3600 1022
爆料傳真：3600 1000
爆料email：ent@on.cc
文、攝：專案組