關詠荷願為亞視拍劇
藝人關詠荷（Esther）昨日於將軍澳出席活動，期間她談及好拍檔歐陽震華（Bobby）與無綫傾妥續約一事，Esther坦言一直緊貼事態發展：「唔明點解要開會傾，續咗咁多年佢好了解公司情況，公司亦了解Bobby。」提及亞視表示成功賣盤，她直指這是開心事，又表示不介意為亞視拍劇：「OK呀，（酬勞唔係首要問題？）我唔會開天價，以角色同劇本行先。」
她透露日前到四川探訪眼疾病童，問Esther會否掛念女兒？她本打算帶囡囡同行，但囡囡應未準備好。Esther又稱於當地要野外如廁，更被昆蟲「嚇餐飽」：「環境好震撼，自己以往拍劇對於野外如廁都手到拿來，但都被（途中）油站廁所嚇親，因為滿布昆蟲，帶個女去嚇死佢！」她又透露父親節將會與老公張家輝食飯慶祝，並會跟女兒一同準備神秘禮物。