成龍恨做蜘蛛俠
國際巨星成龍昨偕吳京、夢工場老闆Jeffery Katzenberg及荷里活動作導演Rob Cohen於上海出席「成龍動作電影周開幕論壇」，成龍直言動作演員經常斷手斷腳卻冇人知，故盼藉此活動讓大家了解一班幕後英雄為電影默默付出。成龍自言每日起床都周身痛：「試過開車開到腳痛，走入醫院叫醫生開刀，本來自己好英雄咁入去，但之後低頭走出嚟，因為我見到打針就叫，好驚，平日斷手都冇事。」
成龍又讚美國拍電影比香港好10倍，令許多明星變成動作影星：「好似鐵甲奇俠、美國隊長，拍到好似好打得，其實係分開拍，畀我都想做蜘蛛俠，但冇人想睇成龍咁，好想做德斯汀荷夫曼（Dustin Hoffman）。」