陳凱琳：街邊50蚊貨仔！

昨日陳凱琳、岑麗香（香香）、陳展鵬、洪永城、龔嘉欣及胡蓓蔚等一眾無綫花旦小生，在樂易玲率領下出發到上海出席《第21屆上海電視節》，為參演的新劇宣傳，其中以陳展鵬人氣最盛，獲不少粉絲送機。

強調繼續約食飯

Grace與鄭嘉穎被《好報》獨家踢爆因合拍劇集《殭》擦出愛火花後，感情突飛猛進，向來將感情事低調處理的嘉穎，更事先張揚會趁北上開工前，把握機會與Grace單獨約會，言猶在耳，上周即被本報獨家拍得兩人到西餐廳「豬肋骨之約」蜜撐枱腳，嘉穎更親自揸車送女方回家，似有意把「穎琳戀」高調化。

鄭嘉穎	岑麗香前日在中環晒腿掃貨。	陳凱琳、龔嘉欣（右）機艙自拍。

日前，有傳嘉穎在K場借醉送贈心形戒指向Grace求婚，昨日Grace提及此事時否認說：「隻戒指係我幾年前喺花園街買，只值50蚊，平買貴用！（嘉穎喺大陸開工，會唔會見面？）會電話聯絡，朋友聯絡、見面好正常。」又強調會繼續與嘉穎外出食飯作正常社交。

右起：陳凱琳、胡蓓蔚、香香及龔嘉欣興奮擺甫。

樂易玲（右二）昨率領無綫藝人飛上海出席電視節。

香香掃貨備戰衣

同場的洪永城與藝人唐詩詠感情亦大有進展，惟對「穎琳」緋聞熱哄哄，即向Grace打趣說：「係囉！所以依家嘉穎都唔約我咯！」至於香香透露已準備了戰衣，但亦有可能以古裝戲服亮相，其實香香趁前日不用開工，單拖到中環購物，當天戴眼鏡、穿熱褲騷長腿的她，在商場閒逛時十分養眼，吸引不少途人目光。手持大袋戰利品的她見到記者拍照，即展露招牌笑容並揮手打招呼，態度親切。

文：名人組

攝影：追蹤組