發哥：做到任達華咪正囉！

阿Sa：我最鍾意發哥啲咩呢？鍾意發哥嘅幽默感，好鍾意睇佢做訪問，全部都好好笑，佢嘅演技我亦非常鍾意，真係做乜角色似乜角色！好犀利！

發哥：你客氣啦！我夠鍾意你啦！你夠風趣咯！你演技夠好咯！

阿Sa開心有發哥這個神級粉絲。

阿Sa話如果發哥做導演，記得找她做主角。

阿Sa：發哥係萬人嘅偶像，咁你嘅偶像又係邊個呢？

發哥：偶像呀！咪你囉！你最近好紅嘛！你套戲個個都稱讚嘛！但我又遺憾啦！我做唔到任達華囉！我做到佢咪……正晒囉！

「我做導演話你聽」

阿Sa：發哥有冇計劃做導演呢？如果有又會唔會搵吓我做主角呢？其實做掃地我都唔拘呀！

發哥：你咪變咗掃地影后？唔得！你係影后，你要加片酬，繼續做落去！我做導演嗰陣，我諗都九十幾、接近一舊，到時話你聽！

阿Sa早前在《大阪亞洲電影節》贏得等同影后殊榮的「特別表揚獎」，演技獲得肯定，而得到發哥的神級回覆，阿Sa開心到四萬咁口，並說：「好多謝你呀！發哥！點解你要咁樣同我講嘢嘅，點解我哋要用呢個腔呢？我當時用呢個腔咩？點都好啦！多謝你呀發哥！記住睇住細佬呀！多謝多謝！」