Rosemary年底嫁 隨時做阿媽
名模Rosemary前晚以超低胸打扮現身活動，她揚言有男友Jason在旁擔任護花使者，故可放膽性感，年底結婚的她坦言已有為人母的準備，並不介意未婚有孕，但男友則喜歡按部就班。
名模Rosemary前晚偕同男友Jason出席活動，但男友怕醜，兩人未有合照，Rosemary身穿低胸裙大騷半球，非常性感，問她是否有男友護花才如此性感？她甜笑直認：「係，佢係我嘅保護者，佢都擔心我。」她稱稍後兩人要共赴一個重要晚宴：「係工作飯局，因為男友會將一個好大型嘅音樂節帶嚟亞洲。（你經常陪佢傾生意？）我要支持佢，佢都好支持我。」恩愛爆燈。
婚期12月初
談到婚禮籌備情況，Rosemary表示正慢慢進行中，日子已確實在12月初，至於會否接受未婚有孕？她直言：「如果有就有，但Jason希望結咗婚先生小朋友。（婚後立即生？）我唔想計劃幾時，要發生就會發生，我身體同狀態各方面已準備好做媽咪，但Jason想一步步嚟，想有個好啲嘅經濟同環境基礎先。」
拉姑湊孫樂
另外，一直「恨」做媽咪的名模Ana R.肚凸凸兼穿着平底鞋現身，惹來懷孕疑雲，她否認：「未有好消息，我今日要行好多路，所以先着平底鞋，希望2015年內有好消息啦！」
至於狄波拉與老公江耀城以黑白情侶裝示人，她對兒子霆鋒及女兒婷婷的私事不肯多講，但就大談湊孫樂：「經常有見孫仔，好開心，佢哋好乖，食飯時會坐定定，食完先玩，好有規矩。」她又指現時多由霆鋒下廚，而且款式千變萬化，問到可有興趣於新一輯的《十二道鋒味》中擔任嘉賓？她笑謂：「隨緣，霆鋒話阿媽唔好捱，好辛苦。」
文：名人組