陳嘉桓鍾情運動男 抗拒筋肉人
藝人陳嘉桓（Rose）笑談心目中的男神，直言不太欣賞「筋肉人」，但對「運動型」則另眼相看。她更代早前眼部受傷的「師妹」周嘉莉報平安，更叮囑對方日後要多運動增強抵抗力。
陳嘉桓（Rose）與黃竣鋒昨日為街頭健身活動任評判。Rose表示健身有別於平日的習武：「學功夫集中練拳腳，健身係力學嘅表現。今日嘅參賽者練到一身肌肉，睇得出佢哋畀咗好多心機。」問到Rose是否欣賞肌肉型男生，她即笑答：「運動型係會留意多啲，今日嘅參賽者大部分係鋼條型，所以都OK。我就接受唔到太大隻、一身肌肉好似卡通人物嗰種，如果個男仔企喺個女仔面前，完全遮住個女仔，就真係唔得嘞。」
代周嘉莉報平安
談到早前她與周嘉莉及松岡李那，到訪泰國拍攝旅遊特輯時，周嘉莉因傷眼而提早離開。Rose表示由於台前幕後啟動「危機處理」，所以未有影響進度：「我哋比較擔心嘉莉嘅情況，佢依家休息緊，希望佢快啲好番，日後要做多啲運動增強抵抗力。」
黃竣鋒帶病倒吊
而同場的「大隻佬」黃竣鋒，則透露早前感染幽門螺旋菌，又嘔又暈仲易倦。昨日面色仍不太好的他，堅持即席示範體操動作兼倒吊，十分專業：「可能因為成日開工，搞到食無定時所致。」近日分別接拍新片《陀地驅魔人》及《選老坐》的他，以為會以動作場面行先，最後竟以爆粗場面較多，令他哭笑不得。
文﹕影視組