劉佩玥陳瀅浪漫唔講金

無綫小花劉佩玥及陳瀅憑Sweet爆外形成為宅男夢中情人，兩人換上高貴晚裝接受今期《好報》專訪，大談夢想婚禮！傳統的Moon希望早婚早生B，並視父親為模範；爽朗的Jeannie則不排除閃婚，希望到國外搞婚禮。

盼聖誕求婚

Moon及Jeannie經常被裙下之臣包圍，收過不少貴重禮物，但兩人心目中的浪漫是講心唔講金，Jeannie說：「自己比較難忘嘅一次浪漫回憶，係之前同男友分開唔同國家，佢發現我搵過佢，明明同緊朋友玩，都即刻返屋企打電話畀我，咁簡單嘅事我已經好窩心。」Moon則認為有人撐傘，生病時得到擁抱，與男友分隔兩地但看着同一個月光已經很浪漫。

陳瀅	陳瀅和劉佩玥甚受宅男歡迎。

兩女正為事業衝刺，離「嫁期」尚有一段時間，但問到將來被求婚的憧憬，她們都各有睇法，Jeannie說：「我最鍾意聖誕節，希望將來老公喺呢日求婚，凍嘅時候特別溫暖！」單身的Moon笑言正享受一個人的浪漫，但目標30歲結婚，她說：「見過好多人求婚好刺激驚喜，我都幾羨慕，但呢啲嘢留番畀男仔諗，總之希望係終身難忘嘅。」

為穎琳戀護航

此外，Moon昨晚出席活動，對於緋聞男友被指新歡為梁政珏胞妹，Moon即為他護航：「佢哋一齊讀書，識咗好耐。（佢異性緣咁強，對女仔咪冇安全感？）唔知，你哋問番佢啦。」至於陳凱琳與鄭嘉穎食飯約會斷正，Moon就希望大家給空間他們。

文：立影　

攝：吳文聰

陳瀅髮型：Mad＠IL Colpo

場地：銅鑼灣東來順

服裝：Cecilia Yau Couture