譚俊彥接太太B女出院
藝人譚俊彥昨早到聖德肋撒醫院接內地演員太太任祉妍及女兒譚晴出院，譚俊彥挽着BB籃，拖實太太現身，兩人應傳媒要求連咀兩次，甜蜜到爆。譚俊彥透露太太會以人奶餵BB，自己負責夜班。講到老爺狄龍恨抱男孫，祉妍表示順其自然，而譚俊彥指爸爸狄龍一早到醫院探望後已先行回家。
問譚俊彥做老竇心情緊張嗎？他說：「唔緊張，床仔、衫都準備好晒。（學咗湊BB未？）做咗好耐功課，我就係陪月，可以請我，（有冇咩禁忌？）其實即刻洗頭都得，以前冇風筒先唔得。（煲湯畀太太補身？）頭一個禮拜就唔可以食魚驚有疤，過一個星期就可以食魚幫助谷奶。」
