黃心穎母愛氾濫：一定要生到！
前港姐陳凱琳（Grace）、黃心穎和劉佩玥等前晚在鑽石山出席無線《2015香港小姐競選》最後召集活動。問到心穎ＢＢ可有介紹朋友參選，她笑指多數朋友已超齡兼生B難參加港姐，更自爆有考慮過25歲生B：「（依家）希望35歲前！35歲一定要生到！」但她卻指麥玲玲師傅認為她適宜遲婚：「佢話我36歲先呀！（生咗先結婚？）睇吓點先，我都唔知！我諗我係傳統啲，結咗婚先生！」看來心穎ＢＢ希望盡快組織家庭。
陳凱琳接受鄭嘉穎轉look
而最近與鄭嘉穎傳戀情的陳凱琳，問到拍完無綫新劇《殭》會否與對方正式發展，她謂：「我今日（前日）先返嚟，之後嘅嘢未諗到。」而陳凱琳昨日於另一兒童故事演講活動中，透露將會遠赴上海和法國工作。記者提到鄭嘉穎剃鬚轉look時，她就指暫未見到：「不過佢未拍呢套劇之前都冇鬚啦！（鍾意佢有鬚定冇鬚？）冇乜所謂。（有鬚kiss會拮！）唔知呢！」
另與陳凱琳同屆的劉佩玥（Moon）就在台上表示透過參選港姐加入娛樂圈後，可以演戲做不同角色，呼籲有志者盡快參加。