黎明金句耍太極
太極前晚舉行三十周年演唱會，除了大玩Hehe情節外，更獲甚少擔任演唱會嘉賓的黎明（Leon）現身撐場！Leon在台上不但自爆天王亦有等人的時候，當太極大讚他收到邀請時爽快答應一事，Leon更馬上發揮「金句王」本色，笑說：「其實得真係唔需要咁耐，等太耐即係唔得！」
本地樂隊太極一連兩場假紅館舉行的《太極樂隊The Mega Hit三十周年演唱會》前晚開鑼，接連演唱幾首歌曲後，雷有輝（Patrick）走去為好兄弟鄧建明（Joey）抹汗，二人卻突然面貼面錫錫，「Hehe味」極濃，更令在場觀眾起哄！作為嘉賓的鄭俊弘見狀後亦笑說：「到我喇喎！」
令全場觀眾爆笑
是晚高潮位可算是嘉賓天王黎明（Leon）出場時全場起哄，有觀眾引用他的金句，大叫「食早餐呀！」Leon認為太極樂隊能維持這麼長的時間實屬難得，與太極相交多年的他又透露自己其實早已到場，但一直在後台等待：「做朋友有時要犧牲一啲嘢，原本話九點三就到我唱，佢哋叫我早啲到，咁我八點九就到咗，頭先我有一吓衝動想上o黎唱咗先！講笑啫，咁朋友都要等嘅！」令全場觀眾大笑！當Joey提到當初邀請Leon做嘉賓時，Leon很快便答應演出，Leon即再次爆出金句說：「其實得嘅真係唔需要咁耐嘅，等太耐嘅嘢即係唔得！」
雷有輝大騷鼓技
而太極原先有七位成員，未有參與這次演出的雷有曜（Albert）就預先拍了一段短片，他表示希望下次能夠與大家一起演出。之後，Patrick提到太極經歷過很多起跌：「贏咗比賽後，好好彩有一首《紅色跑車》，以為掂晒，點知就整兩單唱片公司嘅合約問題，再過咗一排，又好彩有一隻《留住我吧》，不過可惜，都係留唔住Albert，可能佢比較鍾意啲平淡嘅生活！」語畢後，平日擔任主音的他就即席大騷鼓技，邊打鼓邊唱《紫色夢幻》，又與成員朱翰博鬥鼓，令現場觀眾都沉醉於澎湃的鼓聲之中！到演唱會尾聲，太極與全場觀眾一同大合唱經典代表作《留住我吧》。
文：音樂組