星二代藝人姜麗文及黃芷晴昨日出席舞室開幕活動，姜麗文透露在網劇飾演精神病角色，更與曾演《癲佬正傳》的父親秦沛一齊研究劇本。問到父親節如何慶祝？她表示：「平時都成日慶祝，同佢慶祝三次生日，會同哥哥整DIY禮物畀佢，我有車過孖煙囪畀佢，佢話好靚唔捨得着。」同場的芷晴指因剛搬屋，爸爸黃日華主動要求父親節禮物要鎖匙扣。
