亞視女廁塌石屎 陳靖允險爆頭
只能營運至明年的亞視，繼續被黑氣籠罩！亞視大埔總台的大堂女廁昨日突然有石屎塌下，最大塊碎片面積達一平方米，險令正如廁的藝人陳靖允中「頭獎」，昨日返亞視錄影的鮑起靜更驚爆：「好多人話呢度有嘢，我去廁所時會同『佢哋』傾偈，話打擾晒！」
將營運至明年四月的亞視，每月仍面對出糧壓力，昨日大埔總台的女廁更有石屎塌下，險傷及正在如廁的藝人陳靖允，可見亞視繼續被黑氣纏身！
亞視昨日邀得昔日及現役藝人如鮑起靜、黃日華、張文慈及陳靖允等到總台錄影《亞視光輝歲月》，眾人等候錄影時，大堂女廁突傳出連串巨響，未幾見陳靖允一臉驚慌步出，並口窒窒兼指向女廁，傳媒即入內了解，發現天花有大塊石屎剝落，最大塊碎片面積近一平方米，及後亞視鎖上該廁所的門。
葉家寶：冇巡查
險中「頭獎」的陳靖允稍作休息後受訪，並謂：「當時得我一個，以為打緊雷，好大聲，好彩冇去跌石屎嗰邊嘅廁格，啲石屎連續咁跌落嚟！」
鮑起靜昨送上萬多元人參給亞視執行董事葉家寶，對於塌石屎，鮑姐謂：「之前好多人話呢度有嘢，我去廁所時會同『佢哋』傾偈，話打擾晒！」
葉家寶亦表示聽到巨響：「可能呢幾日落雨，同埋日久冇人巡查，好彩冇人受傷，會叫同事加強巡查，當時已立即叫人修理。（五月糧期點安排？）安排中，期望可以喺勞工法例下如期發放。」黃日華是首次到亞視，他又表示可能亦是最後一次到亞視。
昨日亞視總台塌石屎，幸沒傷人，但如有人在亞視範圍內受傷應如何處理，對此黃國桐律師謂：「有傷亡一定係亞視負責，因為係地方佔用人責任，要視乎有冇買保險，員工有勞保就會包。（倒閉前都未追討成功？）贏咗官司都冇錢賠。」
《東網巨星》直擊
《東網巨星》昨日亦率先報道上述事件，即時引起全城熱烈討論，紛紛爭相瀏覽《巨星》App，掌握最新情況！
文：影視組