張文慈作狀飲蕊蕊拳頭自保
常返內地登台並跟吳志雄相識多年的女星張文慈，昨日驚聞志雄哥登台遇襲，表示會作了解及問候：「佢性格剛烈，可能會易喺夜場有碰撞，不過佢係男人，識得點保護自己。以前我聽聞過一位女星，登台時喺台上被人隊酒，一落台暈咗，之後入院洗胃！所以喺台上我唔會飲酒，就算飲，都會開罐新嘅酒，作狀飲呷一呷就算。」不過她試過有觀眾衝上台熊抱她，揩到個胸，令她喊了出來。
至於亦是內地登台吸金常客的女星蕊蕊，直言會選擇獻唱的地方，熟場才去，及有保安保護：「有次唱唱吓，有人衝上台，保安即刻好粗暴咁又拉又推，當時見到真係幾驚！我有打開泰拳，唔知將來係咪用得着！」而女星何佩瑜（Jeana）則說每次都受特別保護，還有女保安貼身跟隨：「出場或落台基本上我唔使行，大批保安為保護我推住我行，搞到我好似飄住咁，真係慳唔少腳骨力。」她慶幸未遇過驚險事，上台亦一定唔飲酒。
