藝人羅敏莊（Mimi）及李霖恩昨日分別帶同女兒亮相時裝活動，Mimi兩歲女兒陳禛表現活潑，更於台上獻唱兒歌，令全場拍掌！首次與女兒行天橋的Mimi讚女兒具歌唱才華：「平時我喺屋企唱歌，佢聽幾次就識唱！」Mimi又大爆女兒會幫老公陳國邦背誦劇集台詞：「畀幾句台詞佢讀又跟得到，好犀利！」
同場李霖恩則搞笑自爆被女兒Gianna批評演技：「佢喺屋企玩演戲扮公主，我就做士兵，結果畀佢問番我識唔識做戲！」他又笑指女兒會偷偷化妝扮《武則天》中的武媚娘。
