黎瑞恩擲半億掃3豪宅
剛經歷婚變的黎瑞恩（小恩子）肩負起單親媽媽的職責，為了打造五星級安樂窩給一對子女，她化身成「犀利人母」，親認豪擲近4700萬一口氣連掃天賦海灣三伙單位自住，相當豪氣！
自去年與金利來三少曾智明離婚後，取得一對子女撫養權的黎瑞恩為新居曾四出頻撲，傳出婚變初期，一度有指她寄居在緋聞男友「免稅大王」鄭應南名下的天賦海灣豪宅。似乎小恩子對這片「療傷地」情有獨鍾，昨日出席慈善活動時，她承認以近4700萬連掃天賦海灣2期溋玥三伙單位：「係呀，本來係一個單位，依家拆開三個咁買，都打算會自住。」
劉小慧助重生
小恩子與劉小慧透露將會籌備網上電台節目，向聽眾發放正能量，問到小恩子可會分享感情生活？她有感而發：「本身自己婚姻都幾唔如意，失戀、離婚令我都幾唔開心，但經過洗禮後，有重生感覺，睇嘢角度唔同咗。我做啲咩小慧都會和議我，就算我鬧人，佢都會幫我，但有日我同佢講咗啲負面嘢，佢就話唔應該咁諗。」身為好姊妹的小慧坦言助小恩子走過婚變低潮：「教佢從唔好嘅事當中搵好嘅嘢，由心出發，唔係一定人哋唔啱，唔好一嚟就咁憤怒。」
鄭應南係朋友
提到早前有傳小恩子與鄭應南在座駕「私會」，她澄清與對方只是朋友關係：「全部都係我朋友，有乜特別呢？呢個世界唔係男就係女，好多朋友都愛錫我，知我去唱歌咪嚟睇囉！」另外，兩位星級媽媽在台上宣揚義工補習老師計劃，小慧稱會為兩個小朋友報讀暑期班隔日補習，為明年的課程做好準備：「其實我知呢個社會風氣係唔健康，我都要諗辦法逃出生天。」相反，小恩子則希望子女過一個輕鬆假期：「我放假乜都唔會報，平時佢哋死讀爛讀，放假畀佢哋玩吓。」
文：音樂組