莊思敏請碟仙 陸駿光疑撞嘢狂嘔

莊思敏、陸駿光、鮑起靜、邵音音及李逸朗等前晚雲集觀塘某工業大廈，為葉念琛監製新片《碟仙碟仙》開鏡拜神，期間忽然「熄燈」惹來嘩然！接受訪問期間莊思敏更自爆謂：「早幾日拍請仙戲，全程陸駿光嘔足幾次，真係幾邪！其實之前我細妹Mona（莊思華）喺夜店都帶咗啲『污穢嘢』返屋企，我工人話見到有白影，喊住叫唔做，後來打咗齋先冇事﹗」她又指日內電影將於猛鬼小學及山頭等地方取景：「人哋話去呢啲地方唔好着紅底（褲），但我屋企大多數都係。」

努力增肥兼剃M字額

「當事人」陸駿光談到狂嘔表示﹕「係呀，嘔咗5次，不過可能因為我唔食煙，但要拍我食煙嘅戲，先搞成咁啫。我之前喺舊公司，試過凌晨時分上樓攞劇本，點知升降機門多次無故打開，跟住又聽到把女人聲，嚇到我同企喺隔籬嗰個同事衝出去，即刻搵道具手足攞束香嚟上，先安心番。」為了接拍此片，陸駿光努力增肥兼剃M字額，即將於8月完婚的他惹來未婚妻投訴：「佢叫我快啲長番啲頭髮同減肥，驚行禮嗰時唔好睇喎。」

莊思敏自爆細妹莊思華夜蒲曾惹「污穢嘢」返屋企。	陸駿光為角色增肥兼剃M字額，被未婚妻嫌棄。	葉念琛監製新片開鏡拜神。

鮑起靜恨與羅蘭鬥戲

同場的鮑起靜今次與羅蘭及邵音音鬥戲，不過3人並未獲安排同場，難怪她大感可惜，直言要向監製、導演爭取。很少接拍靈異電影的鮑姐表示：「工作人員起初畀劇本我睇，淨係得我自己嗰part，冇畀其他人嘅恐怖場面及劇情過我望望，唔知咁多咪接咗囉。」她又指女兒剛帶同5個月大的孫兒返回倫敦生活，令她相當不捨，故打算忙竣手頭上工作，即飛往當地探親。

文：影視組