陳瀅識食 香口菜送酒
新一代少男殺手陳瀅（Jeannie）自小在加拿大長大，因此養成鬼妹仔口味，最喜愛香口食物配紅酒：「我真係好鍾意食嘢，基本上咩都食，尤其鍾意食香口食物配紅酒，每次可以食唔停口。另外，我都鍾意試新嘢，就好似呢個外形的骰嘅漢堡包同芝士波，唔單只外表得意，味道都好特別。其實有時朋友都覺得我對食嘢咁執着，真係好crazy！」
自言是「吃貨」一名的Jeannie，被問到會否怕身材走樣？她表示「禁食」比肥更恐怖，更笑言平日的消閒活動就是與三五知己出去「覓食」：「食嘢真係好減壓，所以平時都好鍾意同朋友一齊周圍去『搵食』，就好似之前同咗劉佩玥去澳門探班，之後仲成班人一齊去歎澳門美食添！」
