硬食張晉五百腳 吳京叫囝囝復仇
影星張晉和吳京等前晚到荃灣宣傳新片《殺破狼II》。主角吳京就笑言要囝囝認實張晉，好讓他長大後「為父報仇」，更謂：「我為呢套戲捱咗五百腳，希望下次換我打番張晉。」又指想投資動作片，但今年打算休息，專心湊仔陪老婆。自爆拍戲時險傷臉的他，就坦言不再賭命：「有老婆有仔，如果仲想見佢哋，就要注意安全。」
槍戰曝光
而飾演奸角的張晉就直言不能讓囡囡睇此戲：「（戲中）做好多衰嘢，拍嗰時由我屋企去片場只係15分鐘車程，我每次開工就要喺15分鐘內，由好爸爸變壞人。」又指拍戲時被打後試過眼前一黑，所以不敢讓老婆蔡少芬探班。
而《殺II》近日槍戰情節亦曝光，飾演警察的任達華為救恭碩良，在郵輪碼頭與姜皓文為首的匪徒駁火。為保護臥底吳京安危，任達華阻止同袍蔡瀚億向吳京開槍，但卻被姜皓文識破吳京身份，任達華即時向姜皓文開火，頸部中槍的他即時血流如注，場面血腥。
文：影視組