發哥句句金Eason：睇得開心
由上周一（18日）發哥正式「登六」開始，《東網巨星》每天有當紅偶像向發哥致敬，並跟發哥玩穿越隔空對話過招。發哥不但有問必答，句句幽默抵死，精彩絕倫，連陳奕迅、鄭希怡、李嘉欣都讚好！要考起發哥？係咁先！唔係咩呀！明日起周一至五《東網》將會推出第六至十集，絕不容錯過。
陳奕迅
差人咪郁企響度！哈哈，攞晒啲錢出嚟，唔係，《東網巨星》入面有個叫《我愛發哥》嘅節目，唔知你有冇睇過呢，我就睇得好開心，嘩……正呀，發哥好瘦呀，又靚仔，好有型呀，睇吓啦，我係咪可以同發哥講幾句嘢呀？發哥呀，點解你可以永遠都……唔使問嘞，我都知嘞，希望有機會再見到你同你傾偈啦，恭喜你60大壽！
鄭希怡
我依家每日都會睇吓《東網巨星》入面《我愛發哥》呢個欄目更新咗未，因為發哥真係好正，你哋下載咗《東網巨星》未呀？
李嘉欣
呢個策劃真係非常好，我覺得發哥好親切，可以從不同artist口中加深了解佢，係好事。好多人都野生捕獲發哥，我就冇咁幸運，喺呢個節目可以了解多佢嘅生活仲好。我都想問發哥點樣同發嫂咁多年都恩愛嘅秘訣！