Eason破冰返無綫 天王級待遇
歌神陳奕迅（Eason）因唱片公司跟無綫的版稅風波已經接近5年沒有踏足過電視台，但日前Eason就入無綫電視城錄影慈善節目及綜藝節目《娛樂三兄弟》。今次能夠與無綫世紀破冰，無綫極為隆重其事，並開出四大天王級待遇給Eason！首先，該慈善節目今晚會在無綫直播，但因Eason今日要前往內地工作，所以無綫就破例安排Eason預先進行錄影，今晚就會在節目內播出表演片段。
任選節目亮相
據知日前在錄影期間，Eason都能夠唱出新歌，更可以唱到滿意為止，當然Eason都非常認真，更唱足9次才收貨。此外，無綫還特別優待Eason，讓他隨便選擇上兩個綜藝節目，包括《勁歌金曲》、《今晚睇李》等，最後Eason欽點該慈善節目及《娛樂三兄弟》擔任嘉賓。加上，無綫更安排了秘密通道給Eason出入電視城，而且沒有通知任何傳媒採訪，為配合其低調作風，可謂安排周到，凸顯天王的地位。
梁漢文狂操肌
另外，歌手梁漢文前晚亦為慈善節目綵排，他透露為配合8月紅館個唱的巨額激光效果，而安排好演唱會流程，今次更花費近七位數準備歌衫。談到好友提議他穿T-back時，梁漢文笑言怕怕：「我驚應付唔到！（太太爆你玩魔術追佢？）我追佢嗰陣有變魔術，佢都睇過我變畀好多女仔睇。」其後他又謂會為個唱而密集式跑步及進行器械鍛煉谷肌。而同場的韋綺珊就透露有意自資出唱片，更想找蔣志光作曲。
文：音樂組