陳偉霆掃2700萬半山豪宅
今年將三十而立的陳偉霆（William）在內地發展豬籠入水，身為孝順仔的他近日更豪擲2,700萬置入半山豪宅送給媽媽，實現買樓給媽媽的夢想！而「升呢」不少的他將於暑假夥拍荷里活巨星布斯韋利士、宋承憲等合作電影，更有機會進軍荷里活，可謂吐氣揚眉！
近年長駐內地發展的陳偉霆（William），因去年7月憑劇集《古劍奇譚》「大師兄陵越」一角在內地爆紅，因此人氣急升兼豬籠入水，自2013年起劇集、廣告、商演已為William帶來3,000萬人民幣的收入（約3,750萬港元），名利雙收的他早前更首度登上2015福布斯中國名人榜的第70位！
買樓畀媽咪圓夢
短短時間就勁袋幾千萬，William即急不及待在香港買磚頭置業！據知他最近豪擲2700萬購入北角半山柏傲山一個逾千呎的單位給媽媽，對於買樓一事，昨日其經理人霍汶希回應：「層樓係佢買畀媽咪嘅，佢一直都有計劃買畀媽咪，依家終於成真！」之後William亦透過電話親自回覆，入行多年的他表示有習慣一儲到錢就會買樓：「所以今次買樓都冇乜出奇，層樓買畀媽咪，所以睇佢意願，如果佢想住就住，唔想住我就會放租。」他亦否認買樓是為了將來結婚築愛巢之用。而據知該物業更是由William姐姐負責揀選的，他亦很相信姐姐的眼光。
手頭有兩套電影
早前拍完劇集《蜀山戰紀之劍俠傳奇》的William，現時又正趕拍師兄謝霆鋒的《十二道鋒味》第二輯，手上亦有兩個電影劇本，其中一套電影更是秏資三億人民幣製作的巨作《重慶大轟炸》！據知電影將於暑假開拍，而卡士更是十分強勁，包括曾飾演電影《虎膽龍威》男主角的荷里活巨星布斯韋利士（Bruce Willis）、韓星宋承憲、影帝劉燁，而霆鋒更會客串演出，估計身價提升不少的William更大有機會憑電影進軍荷里活！
文：音樂組