筱靖見客鋪路做掌門人
前亞姐筱靖離開亞視後，日前與師妹王錦睿到上海力撐爺爺「烘培之父」陳培擔任頒獎嘉賓的「上海國際烘培展」。今次前往觀摩及認識客戶，筱靖稱是為鋪路接管家族食品生意，客戶見她陪伴陳培左右，得知二人是爺孫關係，為之驚訝。
筱靖稱：「現場三個展位都係我哋家族代理品牌，其中有香港藝人陳豪做代言嘅咖啡集團！我都好想做到一點成績，作為對屋企嘅回報，唔可以齋扮靚，要做實幹型女強人！（轉型習慣嗎？）雖然都有啲世叔伯叫我趁仲有幾年青春，喺演藝界玩多兩年，走返嚟做乜！但我話可以雙線發展，（對你有信心嗎？）佢哋對我從商都係抱觀望態度！」