四哥曾江舌劍熱身

四位一代小生謝賢（四哥）、胡楓、Joe Junior與曾江昨日出席無綫節目《四個小生去旅行》記者會，透露將於月尾起程到俄羅斯拍攝，四哥與曾江未出發已經舌劍唇槍，曾江表示有痛風症，希望行程不太辛苦，四哥寸爆說：「咁你唔好去啦！係咪攞完獎矜貴咗？」曾江笑言要退出，嚇得四哥即氹回他，不過四哥又稱擔心曾江加入後不夠合拍，曾江即說：「我哋以前都成日一齊，成日鬧交，有啲火花仲好，話唔定打起上嚟添！」之後，當曾江得知要行九十多級樓梯到高塔拍攝，向其餘三人笑言：「咁我喺下面等你哋啦！」四哥抵死笑說：「我哋抬你上去囉，遲早都要抬你（指棺材）。」曾江回應笑謂：「邊個抬邊個先都未知！」令全場爆笑。