周柏豪初踏獅城開騷搵救聲
周柏豪早前首戰新加坡舞台，獲粉絲熱情款待。不過在去新加坡前，因連日工作而捱出病來的柏豪，自言今次未能將最佳狀態獻給大家，幸得歌迷支持才回復信心。
歌手周柏豪計去年首踏紅館開處男個唱後，今年再下一城跳出香港到新加坡舉行演唱會，並趁機宣傳新碟《WHITE》。首次到新加坡宣傳的柏豪直言：「今次係自己第一次去新加坡，之前一直好想嚟旅行，到達之後覺得呢度係個好舒服、好乾淨嘅地方。」他又大讚當地歌迷熱情又守秩序，給他一個好好的印象。
工作狂捱出病
雖然在宣傳期間，得到不少歌迷熱烈支持，不過身體抱恙的柏豪，直言最擔心不能以最佳狀態為歌迷獻唱。近期工作行程排得密密麻麻的柏豪，要出席不同活動之餘，又要加緊進行錄音和電影拍攝工作，有時更要通宵進行。最終在飛往新加坡前，柏豪因休息不足而帶病起行。
歌迷熱情吶喊
柏豪為了不誤「大事」，決心盡力調理好身體並透露：「我同同事都好擔心會影響喺新加坡嘅演出。因為感冒聲音冇回復狀態，所以一直戒飲凍嘢同埋食啲令喉嚨舒服嘅嘢。好彩喺新加坡期間，都有足夠時間休息同飲多咗水，去到演出當日總算有番把聲。」柏豪直言雖然未去到最佳狀態，亦不太滿意自己表現，但新加坡的歌迷給了他很大的信心。
文：音樂組