陳智燊床戰楊怡驚羅仲謙呷醋

藝人楊怡、陳智燊（Jason）及張名雅等昨日在大埔，為無綫劇集《潮拜武當》作宣傳。期間楊怡與洪天明及錢小豪等大玩打坐遊戲，結果楊怡被身上的假蜘蛛嚇到尖叫，更慘被天明揶揄戀情：「你身上跌隻蜘蛛出嚟，係咪謙仔（羅仲謙）擺o架？」

冇着衫好尷尬

而Jason透露於劇中與楊怡及張名雅展開三角戀，更與楊怡出演赤裸床戲：「之前大家未合作過，拍攝當日時間好趕同尷尬，不過都一、兩take過！（有冇碌床？）度唔到動作，太趕！（尺度幾大？）冇着衫同床攬攬！」問到Jason會否擔心楊怡男友羅仲謙「呷醋」？他即搞笑喊驚：「有啲驚呀！佢咁大隻！不過應該冇事，導演要求咋！」Jason隨後自爆拍攝床戲前後亦有向女友宋熙年報告。

腰患在身的楊怡透露要冒險耍太極，幸好沒有受傷。	楊怡玩遊戲時慘被撩耳仔，狀甚痛苦！	羅仲謙

冒腰患耍太極

至於楊怡自爆於劇中抱住腰患大耍太極，又不敢向男友羅仲謙「過招」：「本身都擔心腰患搞到郁唔到，（有冇整親？）好彩冇！我好想畀段片教媽咪耍太極，但驚佢整親。（教男友？）所有人都唔敢教，我自己有姿勢就夠喇！」而張名雅就笑言險些於劇中向「第三者」楊怡動粗：「陳智燊扮演我未婚夫，但我會捉到佢同楊怡幽會！（你有冇打戲？）本身要打阿怡，佢仲叫我落力打，不過最後無拍到嗰幕。我係阿怡超級粉絲，會打唔落手！」

文：影視組