英皇營運發展總監霍汶希（Mani）昨接受電話訪問時表示，英皇娛樂數年前已跟孫祖楊解約，強調孫不再是英皇藝人，其行為及說話絕不代表英皇：「經了解後，我哋要鄭重澄清此人已並非英皇旗下藝人。好幾年前，基於一啲原因，為免英皇聲譽及各方面受影響，已解除咗合約，我哋透過律師發過解約通知書畀佢，當時冇佢詳細地址，唔知佢有冇收到，但亦有通過電話，話公司要同佢解約。由嗰刻起，此人同英皇已經冇任何關係，唔希望佢嘅說話令人有誤會。」
