孫祖楊黐Paris舊愛Jeana藐爆

34歲的富貴女星Paris Hilton戀情多籮籮，剛與18歲的澳洲靚仔Jordan Barrett撻着不久，最近又傳新戀情。香港時間昨日凌晨，Paris孖住有中國富二代新星之稱、曾參與英皇電影《出水芙蓉》和電視劇《倚天屠龍記》的孫祖楊，以金銀色Bling Bling情侶裝，糖黐豆般踏上電影《玩轉腦朋友》（Inside Out）的康城電影節首映禮。大會已設定紅地氈「嚴禁自拍」令，但二人繼續攬實自拍。他倆親暱的表現，即被內地媒體懷疑孫祖楊正是Paris新歡。

傳為富二代新星

近年積極到內地搵人仔的Paris，連揀男伴的口味都轉吹中國風。首映禮後，內地傳媒爭相訪問Paris，Paris得知有內地媒體採訪，即連環送飛吻兼高呼「我愛中國」。在旁的孫祖楊亦趁Paris停口搶位向媒體報料，表示自己是香港英皇旗下藝人，又高舉V字手勢。本報記者聯絡英皇營運發展總監霍汶希，她表示：「數年前已和孫祖楊解約，對方已不再是英皇旗下藝人。」

Paris和孫祖楊違反禁令在紅地氈上自拍。（美聯社圖片）	葡萄牙模特兒Sara Sampaio和荷里活藝人伊娃朗歌麗亞在《玩》片首映上爭妍鬥麗。（法新社圖片）	伊娃朗歌麗亞（美聯社圖片）

33歲的孫祖楊，出道時被指與年輕時的梁朝偉有點相似，曾被冠以「小梁朝偉」稱號，而其富二代新星身份亦在圈中廣泛流傳，內地女星黃聖依亦曾與他傳過緋聞。香港藝人何佩瑜（Jeana）也曾在2012年與孫祖楊在四川拍片期間，被拍到多次攬啜而傳緋聞，事後Jeana受訪時坦言大家正在發展中，但戀情最後無疾而終。

建議用增高鞋墊

記者昨聯絡Jeana，她語帶雙關表示：「自己都鍾意外國女仔，覺得Paris Hilton都好，如果佢哋真係拍拖，孫祖楊真係要還神。（相襯？）會祝福呢段異地戀，如果佢着埋增高鞋墊就更襯。（孫係富二代？）我哋好耐無聯絡，以前傾偈都冇傾到咁私人嘢。（孫溝女有一手？）同佢係朋友，覺得佢幾細心、健談、易相處，好Sweet。世界仔溝女梗有一手，佢有無錢我唔知，女仔就有。」問孫祖楊是否特別喜歡洋女？Jeana謂：「以前同佢都有食西餐，可能係個女仔鍾意食中餐呢。（孫自稱英皇藝人。）騎唔騎呢我唔知，係得意有趣囉。」

文：影視組、外娛組