陳慧敏戀小肥呻難頂
歌手小肥（徐智勇）及陳慧敏同樣來自澳門又性格爽朗，因此結為好友，受訪時不停互窒放笑彈！提到早前在微電影中飾演情侶，慧敏搞笑表示很惡心及難頂，小肥則說：「未使親熱已經係折磨！但出嚟效果幾有火花，係互相糟質嗰隻！（你成日蝦慧敏？）唔係呀！佢反擊好勁o架！」
其實兩人亦有感性一面，小肥大讚慧敏有才華：「當年佢喺澳門參加歌唱比賽，我做評判，覺得佢風格好獨特，之後推介畀香港同澳門公司，大家都覺得有得做，始終好少有呢種咁靚女嘅『男人』嘛！」慧敏則感激小肥提攜：「佢係位慈祥大哥哥，我有咩唔開心、難關都會同佢分享！」
場地：麗星郵輪處女星號