胡鴻鈞放心奉獻自家作品
歌手胡鴻鈞（Hubert）日前出席歌迷聚會，獲老闆何哲圖神秘現身，更率先公布會為Hubert年底推出專輯，Hubert感激老闆起用自己作品，他說：「放心交畀佢。」
「星夢」二哥胡鴻鈞（Hubert）前年憑翻唱何韻詩歌曲《化蝶》大獲好評，推出的專輯銷量理想，可惜去年突然放慢腳步，未有新專輯面世，只是獻唱多首無綫劇集歌，直至今年初終獲無綫垂青，與鄭嘉穎、謝安琪及陸永等人合作拍攝劇集《殭》，日前他的戲份終於煞科，歌迷會即為他舉行派對補祝生日，吸引過百歌迷捧場。
DIY生日卡冧粉絲
出名疼錫歌迷的Hubert為答謝他們的支持，派對前一晚漏夜趕工設計生日卡，並親手送給歌迷及合照，派對期間，星夢老闆何哲圖（Herman）突然現身，全場歌迷大叫，搞到Hubert呷醋說：「我頭先入嚟都冇咁多歡呼聲，原來Herman咁多支持者。」Herman主動上台說：「多謝大家支持Hubert，我睇到佢一直好努力，唱歌方面愈嚟愈好，之前睇佢出席音樂會，令我覺得佢成熟好多，所以我喺度宣布，年底一定會幫佢出碟。」
唔拍拖也唱情歌
打了強心針的Hubert說：「今年自己寫咗好多首歌，老闆都幾鍾意，亦會放喺新碟入面，多謝老闆會用我寫嘅歌。」單身多時的Hubert被取笑冇愛情滋潤很難唱情歌，抵死的他笑說：「唔一定要有拖拍先有感情，呢方面隨緣啦，依家以工作為先，唔想錯失機會。」
文：音樂組