丹爺撐新抱舉報：以正視聽

內地女星楊冪因網傳的不雅視頻愈傳愈盛而感到事件嚴重性，除發出聲明澄清並非片中人外，昨午更親身前往報案。身為她的老爺劉丹（丹爺），正身在內地與朋友打高爾夫球，昨日記者以電話聯絡上丹爺，不過他則直言未知道新抱報警一事，並聲稱：「一睇（段片）就知係假！（支持新抱報警？）我今朝一早就返咗大陸打波，雖然唔知佢哋報警，但件事搞到咁嚴重，當然支持報警啦，以正視聽嘛！如果唔係，遲啲都唔知搞咩出嚟！（會再電話了解新抱情況？）唔使啦！佢哋會識得點做！」