森美做運財童子 送300萬Cash

炎炎夏日即將來臨，近期頻頻推動節目改革的無綫，將於7月到8月底以「TVB Amazing Summer」為主題推出一連串新節目，除了載譽歸來的《4個小生去旅行》、由杜如風主持的話題旅遊節目《東京攻略》及新一季的《學是學非》外，更會出動一班力捧港姐蔡思貝、劉佩玥及上位小花參與水上遊戲節目，務求令畫面碧波蕩漾！

犧牲陪囝囝旅行

其中TVB計劃重錘出擊，任命人氣主持森美做「運財童子」，在大型遊戲節目中送出300萬獎金與觀眾同樂。據知，TVB鎖定近年的樓價話題，原定在節目中以物業作為大獎，務求助得獎者成功上樓，但礙於物業印花稅的技術性問題，最後改以300萬現金做大獎。TVB計劃於晚間10點半節目中，由森美發問問題，而觀眾可透過TVB FUN App及網上作答計分。此計劃一出，TVB成功吸引不少廣告客戶支持，觀眾除可透過累積分數爭奪大獎外，每晚更有機會獲得由贊助提供的獎金獎品。

上位港姐蔡思貝（右）和劉佩玥會參與水上遊戲節目。

朱晨麗表示會叫親友一起玩遊戲。

森美對於獲封「運財童子」，已婚的他笑言：「我已經唔係童子好耐，我係『運財福星』！」每年暑期都會帶小朋友出國的他，笑言為此重任犧牲改期：「今次接呢個job好開心，大家上樓好辛苦，依家無綫送錢，雖然自己冇份玩，但我都戥得獎者開心！（搵邊位靚女做拍檔？）我同小儀拍檔咁耐，你都知我對靚冇要求啦，最緊要夠開朗，可以將氣氛感染觀眾！」

朱晨麗：幫補首期

而無綫藝人朱晨麗得悉無綫送出三百萬獎金，她興奮說：「咁着數，買六合彩都要畀錢啦！一定會叫親朋戚友一齊玩，贏咗可以幫補吓大家買樓做首期，相信成個暑假氣氛都會好熾熱。」

文：影視組