馮寶寶細仔做副導 拒同場拍攝
馮寶寶（Bobo姐）、李克勤與邵音音前晚到將軍澳電視城錄影《今晚睇李》，最近為新戲《媽咪俠》宣傳的Bobo姐，悉心打扮而來，她說：「今晚着靚啲，我唔知李思捷會問我乜，但我嚟梗係宣傳吓我套新戲。」Bobo姐咁落力谷戲，據悉是由其細仔招啟宗任副導演。
新嘗試首做出品人
當問到今次「母子檔」合作有否擔心發生「拗撬」？Bobo姐笑謂：「一早都諗到呢個問題，所以我同咗高志森講，我嘅戲份由佢負責，啟宗就拍其他演員啦費事有拗撬影響進度。」她又指平日啟宗鮮有答應她出席活動，但今年母親節適逢《媽》片首映，母子倆寓工作於娛樂，令她相當高興。
Bobo姐於《媽》片內身兼兩職，出任出品人兼演員，她卻謙虛表示：「係高志森畀個名我啫，我主要都係幫手傾吓贊助咁，形式似電影監製，覺得呢樣工作都幾新鮮囉。」她又大讚高志森今次很有誠意，籌拍《媽》花十年時間，單是寫劇本已花上好幾年。
克勤孖祖兒開騷
而將與容祖兒合作於九月開演唱會的克勤，自爆最近已有人向他撲飛。克勤又講到下次會與祖兒上節目：「今次就我單拖唱校長（譚詠麟）作畀我嘅新歌，下次就同祖兒一齊宣傳演唱會，我同祖兒都係順得人，好多嘢都傾得好順利。」
文：影視組