霆鋒焗星味曲奇冧趙薇楊冪

近年轉型做廚男的謝霆鋒最近推出自家創作的鋒味曲奇，有齊甜酸苦辣四種口味，更在中環開餅店「鋒味 By Beyond Dessert」。今次的曲奇由研發到誕生，過程歷時一年多，霆鋒背後一直有媽媽拉姑任「御用試食家」，霆鋒透過經理人霍汶希（Mani）表示：「爹哋（謝賢）、媽咪同妹妹（謝婷婷）都有試食，媽咪食得最多，畀咗好多意見我。」

內地客狂掃

鋒味曲奇一出，不少遊客聞「鋒」到餅店掃貨，老闆之一的Mani昨午現身餅店監場，她謂：「啱啱開業，每日準備嘅曲奇數量只有約二百盒，但反應好熱烈，經常有遊客幾十盒咁買，所以供不應求。」昨日現場見的確有內地遊客一次掃了幾十盒曲奇，餅店約在四時已宣布曲奇售罄。

楊冪也曾任霆鋒的嘉賓。	趙薇與霆鋒曾在《十二道鋒味》大展廚藝。	鋒味曲奇昨午四時售罄，Mani即在店門掛上「休息」牌。

今次曲奇反應熱烈，霆鋒主持的《十二道鋒味》的嘉賓也居功不少，包括范冰冰、趙薇、容祖兒、Angelababy及楊冪等，霆鋒將送曲奇答謝他們，亦有人提議霆鋒為一班星級嘉賓炮製專屬味道的曲奇，對此他說：「呢個提議幾好，但要容後再計劃。」

擬慈善義賣

另外，鋒味曲奇亦會作慈善義賣，霆鋒會捐錢外，他指老闆楊受成亦率先捐五十萬：「會送番一百盒曲奇畀佢，錢照袋先，貨要遲啲先有。」

文：音樂組