鄭嘉穎風騷講戀情在心中
藝人鄭嘉穎與港姐陳凱琳（Grace）的戀情漸漸明朗化，前晚由新加坡登台返港的嘉穎風騷現身，對於與Grace的戀情，他表示多謝關心，更謂：「我已經講晒喇，講最多嘅說話就係『畀啲空間我啦』！」問到與Grace有否發展空間時，他笑言一切「在心中」：「小弟呢個就唔係真人騷嚟嘅，（Grace認你追佢？）要講都講晒喇！（睇唔明呀！）唔使明，我明就得啦！」
他又指不會避忌與Grace合作：「講過嘅唔想重複，我唔係咁高調嘅人，叫大家畀空間我，唔好當耳邊風。」此外問到他與Grace的年齡差距會否成為拍拖障礙，以及會否擔心對方家人介意等問題，嘉穎一概不作回應。
而前晚古巨基亦由台灣返港，更指回家執好行李後再離港工作。