糖妹搶師傅飯碗自薦與蔣志光合唱

藝人黃山怡（糖妹）與蔣志光前晚出席母親節活動，大玩遊戲幫假BB沖涼。糖妹自爆曾幫細佬沖涼：「細佬細我11年，細個幫佢沖涼搞到佢甩臼，佢大咗有陰影，唔係好畀我掂！」糖妹又大呻媽媽拒一同慶祝母親節：「尋晚同阿媽講食飯，佢話佢冇煮我飯，同佢講聽晚食，佢話要去游水，惟有下周先慶祝！」糖妹又笑謂若其老師韋綺姍未有空演出，可改由她頂上與蔣志光合唱《相逢何必曾相識》！