遭網上欺凌 蔡思貝夠tough睇完就算

蔡思貝與鄭詩君（C君）昨日首度為新劇《潮流教主》開工，潮味十足的蔡思貝現身深水埗，吸引大批市民於店舖前駐足圍觀，吸引起附近部分店主不滿，而一度驅趕圍觀者，場面尷尬。

與羅仲謙再結緣

談到戲中與C君於網上發表一些言論，結果搞到陳豪一身蟻，蔡思貝透露平日喜愛玩Instagram及微博，曾試過被網友留下人身攻擊字句，她謂：「我都唔理得咁多，睇完就算，惟有做好自己，但如果牽涉到屋企人，我就會好唔鍾意。」

雖然與羅仲謙再結劇緣，但兩人沒有太多愛情線，取而代之是拍檔情，問到會否為減少傳緋聞機會感高興？她謂：「都係，其實係唔同嘗試，之前同佢就拍愛情，今次係拍檔情，相信會有唔同火花。」

蔡思貝於街頭拍攝勸C君向陳豪道歉的戲份，引來市民圍觀。

C君、蔡思貝

練番44分鐘跑10Ｋ

蔡思貝更指今次於劇中由一個普通女仔蛻變成女強人，無論造型及演技上均有挑戰，為了迎合角色需要，日前趁拍攝時裝雜誌時，不忘反過來訪問對方一番，問到可認為自己是女強人？蔡思貝謂：「我可以係，因為性格上都幾極端，好大變化，小鳥依人又得，獨立都可以，有啲人都覺得我幾tough o架！」談到早前被拍到率領14位猛男跑步，蔡思貝坦言稍後會再抽時間練習，更謂：「我教練想我參加番比賽，以前我44分鐘跑10公里，依家要練番先，同埋都想推廣多啲長跑係一個好正氣嘅運動。」

文：影視組