49歲羅霖着比堅尼出超齡寫真
現年49歲的美魔女羅霖，以超齡女模身份殺入寫真界，早前更自資六位數置裝，為遠赴韓國拍寫真作準備。羅霖坦言半百之齡還夠膽出寫真，視為一大挑戰，更把身形操到最弗上陣。現時只有100磅的她，擁23吋腰圍，媲美不少模特兒。
羅霖日前遠赴韓國拍攝其首本寫真，出發前相約本地著名形象指導郭慶彬試晚裝及置裝作準備。羅霖表示今次寫真，獲公司投資七位數字，由韓國攝影師操刀外，並一行10人到韓國取景，製作認真。為求盡善盡美，羅霖更自掏六位數置裝，包括比堅尼、corset等，可謂不惜工本。
23吋腰最弗狀態
自認是超齡寫真女模的羅霖，個多月前積極修身操弗，現時體重只有100磅，腰圍23吋。她揚言自生完小朋友後，現正是其最弗狀態。談到keep fit之道，她直言：「節食，將平時食嘢既分量減半同戒食消夜，仲有做推脂同柔軟體操。我生過三個小朋友，所以一定比未生過嘅難keep，最難係減個肚，身邊朋友都話我真人比較瘦，上鏡就啱啱好。」
大仔同行撐慈善
至於為何年近半百才計劃出寫真，羅霖坦言以前從未想過，直至近年有公司主動接觸她：「我都好想出一本書，除咗靚相外，仲會分享心路歷路。以我呢個年紀仲夠膽出寫真，就係想挑戰自己，且部分收益會捐畀慈善機構，我覺得好有意義。（唔怕被拿來與o靚模比較？）大家賣點唔同，女人係唔同階段都有唔同嘅靚。除咗外在，智慧同內涵好重要，書本係想表達如何活得更精彩。」問到兒子可支持她出寫真﹖羅霖謂兒子絕對支持，大仔還跟她一起出發往韓國拍寫真，令她甜在心頭。
文：名人組