謝安琪邀煇哥出山 譜終極作
「女神」謝安琪（Kay）不經不覺已出道十年，昨日出席「拾回謝安琪記者招待會」公布未來大計，唱片監製周博賢、各大電台高層及新娛國際負責人丘亞葵等人紛紛前來道賀。Kay宣布今年九月將會以上海為首站展開世界巡唱，橫跨美加、澳洲及內地後，再回終點站香港，而即將推出的國語碟的她更找來方大同、林俊傑及李榮浩等才子合作。
香港變遷為題
不過要數到最威水的，必定是Kay早前向樂壇教父顧嘉煇邀歌，最終成功令煇哥出山，為她寫下其榮休前的最後一首「終極作品」，Kay表示：「主題都諗好，好多人認識我都係《囍帖街》，今次想講關於香港變遷嘅歌，煇哥同我眼中香港嘅變化都會唔同。」
由於現場播放她首支歌曲《姿色份子》的MV，片中的她箍牙兼包包面，即被司儀取笑，Kay開自己玩笑表示：「唔好講到辟邪咁，我嘅起點咁有爆破性，咁之後人生只會向上升。」問曾捲整容疑雲的她可會擔心被人比較？她說：「我都覺得唔同，唔會介意，人覺得係整容，但其實一個人眼界開、心境闊，係會愈愈靚。」
攰到唔諗造人
提到有報道指老公張繼聰近日財源滾滾，Kay有意停工展開「造人」大計，她說：「個個女人都講過呢，我都講過好，今日唔想返工，不過報道係得啖笑。同埋唔係話生就生，張繼聰想生個女似佢個樣，順其自然啦。」當記者提議邊巡唱邊造人？Kay怕醜笑說：「好，唔好咁對我啦，如果佢有興趣助陣，我會覺得好溫馨。」
文：音樂組