蔡思貝向張家輝偷師
前香港小姐亞軍蔡思貝日前擔任美肌食品品牌代言人拍攝新廣告平面照，穿上白色Deep V裙的蔡思貝展露白滑美肌，問到面對日夜顛倒的演藝生活，會否試過壓力爆煲？蔡思貝深思一會謂：「初時都會有啲唔習慣，但已經適應咗。我平日會做適量運動嚟紓緩壓力，但有時都難免會有『壓力瘡』。」
另蔡思貝早前被張家輝邀請參演他自導自演電影《陀地驅魔人》，問到她會否緊張得經常NG？她就直言：「家輝要求好高，最初我都好緊張，不過經佢耐心教導後，NG次數少咗，拍幾次佢都好快收貨。」她更續言經常會去拍攝現場偷師。