諸葛爆囝囝見人就Hi

娛樂公司老闆諸葛紫岐（Marie）昨日出席活動，提到最近在西貢發生的綁架案，她會否份外留意囝囝的人身安全？Marie說：「我都好小心啦，有姐姐（傭人）、司機哥哥跟住佢。（請保鏢？）司機哥哥本身係保鏢，好大隻。（教囝囝小心啲陌生人？）佢好友善，見人就Hi，人哋叫佢come，佢就會望吓。不過大家都會睇實佢。」她又透露最近很忙，前天才返港，兩天後又要飛北京工作。而母親節當天會與家人吃飯，問到囝囝會否送禮物給她？她說：「佢依家只識錫錫，佢好鍾意錫我。（老公送咩畀你？）佢話『我都唔係你個仔』，佢會送嘢畀佢媽咪。我都準備咗禮物送畀奶奶同媽咪。」