松岡煮得擦得 益埋林德信

松岡李那昨日與男友林德信一齊出席「adidas Fitmind YogaRun #mygirls」活動，其他嘉賓還有劉心悠、陳嘉桓、連詩雅、陳瀅、蔡穎恩等。雖然Linah與Alex的戀情已浮面，而Linah更見過Alex的家長，兩人昨分別受訪時亦大方談及對方，可是當記者要求Linah跟Alex合照時，Linah卻拒絕了，她說：「唔係怕醜，唔係尷尬，下次先影。」就連大合照也不肯站在Alex身旁，不過在準備影大合照時，她和Alex有眼神交流，且不禁面露甜笑。

母親節電聯準奶奶

對於Alex爹哋林子祥指她大食，她說：「我係好大食，一日食5餐，好容易肥，所以我要時時提醒自己做運動。（大食會食窮郎？）真O架？但係我都會煮嘢食，可以煮畀我老公食。（可以煮畀Alex食？）係呀，煮o黎同佢一齊食。（食埋佢食唔晒啲嘢？）應該會。我唔想浪費食物，如果食唔晒就會打包，成日都打包。」

擔任瑜伽導師的林德信，擺甫士很輕鬆。	松岡笑得咁甜，皆因與林德信四目交投。	陳嘉桓

提到Linah早前已見過Alex媽咪、妹妹，她即賣口乖說：「係，佢o地好sweet，Alex媽咪好開通，好健康好fun，我都想有個咁樣媽咪，同埋第時都想好似佢咁樣，佢內心好堅強。（都見過Alex爹哋？）係，佢真係一個好正o既人。（會煮o野畀佢食？）係，搵日可以煮畀佢食。（o黎緊母親節會唔會同Alex媽咪慶祝？）我要飛去美國工作，Alex媽咪都o係洛杉磯，不過應該冇時間去探佢，可以打電話畀佢。」

跑步撩女唔怕呷醋

而在活動中任導師的Alex，被問到會否除衫時，他笑言：「我驚忍唔住，好緊張，呢度好多女仔，相信全港最靚啲女仔都嚟咗參加。（（目及）女？）我會戴住副超係咁(目及)，有少少怕醜。（因為女友松岡（目及）住？）唔係。（一陣除衫騷Quali？）一陣出去跑可能會，今日好熱。（事前有冇幫女友操練？）佢好fit，唔擔心。（佢好大食？）係，食好多嘢，我就食好少。」他又表示跑步時會好好享受：「沿途同啲女仔傾吓偈，（唔驚女友呷醋？）冇得呷醋，我只不過係收到大會邀請。」

文：名人組