唐詩詠要人下廚 考驗城意
藝人唐詩詠昨日生日，追求者洪永城就把握機會花心思博女神歡心！壽星女唐詩詠早上出席慈善瑜伽活動，下午就返回將軍澳電視城繼續開工拍攝無綫新劇《公公出宮》。她透露前晚與蕭正楠開工食飯當慶祝，坦言人愈大愈沒有特別慶祝生日，反而想多做善事回饋社會：「今年生日都唔會大搞啦，生日願望係世界和平。」
仍需要了解
至於追求者洪永城有否表示？她笑笑口說：「冇呀，開工呀。（生日快樂都冇講？）咁有講。（準備同你慶祝？）唔知呢！」問是否仍考慮與洪永城拍拖？她說：「因為要考慮長遠，需要多啲了解，唔係一方面OK就OK，係要好多方面嘅！依家幾好吖，係朋友，得閒會見面食飯！（真命天子？）尋找緊！」
會補番慶祝
不過正拍攝《波士早晨》的洪永城，其實就趁着昨日是假期為詩詠準備禮物，並落足心思：「我同佢都有煲美劇《權力遊戲》（Game of Thrones），佢好鍾意『小惡魔』個角色，所以特登訂咗個公仔返嚟。今日同唔到佢慶祝係有啲可惜，送咗禮物先，希望再搵機會同佢補祝生日。」問兩人關係進展如何？他謂：「發展得唔錯嘅，祝佢生日快樂！」但仍然再想關係更進一步：「知道佢鍾意人哋整嘢畀佢食，所以都好努力學緊整嘢食。」務求博紅顏一笑。
文：影視組