李居明粵級使命保新光
醉心粵劇多年的玄學家李居明大師2012年化身「白武士」拯救當時面臨倒閉的新光戲院，三年來李大師出錢出力，成功把新光打造成本地粵劇地標。然而跟業主的租約明年屆滿，續約談判因租金問題而陷入膠着，李大師直言對續約信心只「一半半」，惟希望雙方釋出誠意解決，否則會令一直面對場地短缺的粵劇界雪上加霜。
有43年歷史的新光戲院三年前一度面臨結業，幸而當時盛世天戲劇團的創辦人李居明以每月一百萬的租金承租四年，斥巨資翻新後易名為「新光戲院大劇場」，從未以「白武士」身份自居的他這幾年成功將新光打造成粵劇地標。然而明年3月便到續租之期，業主要求加租逾百分之三十，李大師認為加幅過高，令新光的前途響起警號。
為興趣邊做邊蝕
李大師不諱言這幾年新光是「蝕住做」：「依家租金同開支每月差不多二百萬，唔賺錢平均都要六萬蚊一日生意額先收支平衡，受劇院座位數目所限而且票價亦唔可以太高，所以一直蝕緊錢。」願自掏腰包撐起新光的他直言全因喜愛粵劇：「鬼叫自己鍾意，惟有靠幫人睇多啲八字風水，好似賣肉養孤兒咁！」
在李大師主理下的新光成功開闢成粵劇界的專屬場地，過程中原來曾有一番掙扎，他透露：「早幾年曾有幾部3D三級片想喺新光上映，舊年亦有泛民議員想租我哋場地開講座，我知道如果租畀佢哋可以提高收入，甚至令戲院有錢賺，但我唔想場地變質同捲入政治，只希望好單純咁做粵劇及音樂會，所以就推咗，而呢樣嘢我相信業主係好樂意見到。」
望釋出談判誠意
在續約的談判過程中，李大師直言絕不輕鬆：「業主開價月租一百三十五萬，坦白講呢個價真係做唔到落去，我都有原則，如果真係唔得，劇團惟有等西九劇場起好前都出去租場，但咁樣對一班粵劇從業員同觀眾都係災難。」由於場地訂位需一年前落實，故此明天5月5日是雙方談判的「死線」，李大師表示：「我好有誠意去傾，希望大家都讓一步，可以順利續約。」