馬嘉韻呻窮接棒 博擸2萬
馬嘉韻（Mars）用創意呻窮成功擊敗八百網民，繼張建聲後榮登流動「水飯房」踎監做女囚！年僅19歲、擁有33C驕人上圍的Mars靠「世波女」和《東網Baby》令工作大增，惟「唔夠使」令她決定踎足七日執番兩萬大元！
男星張建聲為宣傳新片《壹獄壹世界》不惜公開示範做「監躉」，今午將「刑滿出冊」，電影公司為延續「踎監」熱潮，設下二萬大元做獎金吸引網友自願接建聲之棒「踎監」，至昨晚截稿前已成功吸引逾八百人申請入冊。
《東網Baby》添人氣
建聲的踎監生涯，雖然一日食足三餐，惟開放式生活令他寢食難安致目光呆滯。不過今午他將得到解脫，昨日他手執「留名等睇女囚犯」紙板預告有「女」接棒，據悉該名女囚犯正是入紙自願申請踎監的馬嘉韻（Mars）。
據知Mars能成功跑出，除了創意呻窮及渴望踎監的留言外，原來電影公司因應Mars在「世波女」和《東網Baby》的驕人表現，確定其演藝潛質而挑選她，不過亦擔心Mars是女孩子有不便和體力問題，故會再三核實入冊申請，待雙方同意簽紙作實才能正式成為「女囚」。
月入八千唔夠使
擁有33C驕人身材的Mars，自去年成為無綫世界盃節目的「世波女」及榮升《東網Baby》後人氣提升，私影工作和宣傳活動大增。不過Mars自言單靠私影、宣傳活動月賺僅八、九千元，直認二萬元獎金非常吸引：「我哋表面睇落風光，其實收入唔穩定，依家又太多女仔入行喇，競爭好大。」於是她決定公開踎監七日博增加知名度，為自己打開更多機會之門！
不過Mars對踎足七日奪二萬元獎金信心麻麻：「應該捱到三、四日，拎到八千蚊墊底！（拎兩萬點使？）未諗，打算喺嗰七日裏面慢慢諗，時間會好過啲，或者拎嚟交租！」對於公開踎監，Mars表示早已習慣任人影，最難接受反而是沒有手機的日子，她有看建聲的直播做準備：「睇到佢講到個環境咁真實先有興趣，難得有咁嘅機會『踎監』，咪試吓囉！」
文：影視組